జైలు నుంచి ప్రభుత్వాన్ని నడుపుతానన్న అరవింద్ కేజ్రీవాల్(Arvind Kejriwal)
జిల్లా కోర్టు శుక్రవారం 6 రోజుల ఎన్ఫోర్స్మెంట్ డైరెక్టరేట్(ED) కస్టడీకి రిమాండ్ విధించిన అనంతరం, అవసరమైతే తాను ఢిల్లీ(Delhi) ముఖ్యమంత్రి పదవికి రాజీనామా చేయనని చెప్పిన కేజ్రీవాల్(Kejriwal). అవసరమైతే జైలు నుండి ప్రభుత్వాన్ని నడుపుతానని అన్నారు.
లిక్కర్ పాలసీ కేసులో ఎన్ఫోర్స్మెంట్ డైరెక్టరేట్కు కస్టడీని రోస్ అవెన్యూ కోర్టు(Rouse Avenue Court) మంజూరు చేసిన వెంటనే ఇండియా టుడే టీవీతో మాట్లాడుతూ, “నేను ఢిల్లీ ముఖ్యమంత్రి పదవికి రాజీనామా చేయను. అవసరమైతే, నేను జైలు నుండి ప్రభుత్వాన్ని నడుపుతాను” అని అన్నారు.
“అందర్ హో యా బహార్, సర్కార్ వహీ సే చలేగీ (నేను లోపల (జైలు) ఉన్నా లేదా బయట ఉన్నా, ప్రభుత్వం అక్కడ నుండి నడుస్తుంది),” అని ఆమ్ ఆద్మీ పార్టీ (AAP ) అధినేత Kejriwal అన్నారు.
ఢిల్లీ కోర్టులో మూడు గంటల సుదీర్ఘ విచారణ అనంతరం, ప్రత్యేక న్యాయమూర్తి కావేరీ బవేజా, కేజ్రీవాల్ను మార్చి 28 వరకు ఎన్ఫోర్స్మెంట్ డైరెక్టరేట్ కస్టడీకి అనుమతించారు. ఈ కేసులో 10 రోజుల కస్టడీని కోరుతూ ఎన్ఫోర్స్మెంట్ డైరెక్టరేట్ (ED) చేసిన దరఖాస్తుపై కోర్టు ఈ ఆదేశాలు జారీ చేసింది.
విచారణ సందర్భంగా, ఎక్సైజ్ పాలసీ స్కామ్ కేసులో కేజ్రీవాల్ను దర్యాప్తు సంస్థ “కీలక కుట్రదారు” అని పేర్కొంది. ఢిల్లీ ఎక్సైజ్ పాలసీ 2021-22ని రూపొందించి అమలు చేసినందుకు కేజ్రీవాల్ ‘సౌత్ గ్రూప్'(South group) నుంచి అనేక కోట్ల రూపాయలను లంచంగా (kickbacks) అందుకున్నారని ఎన్ఫోర్స్మెంట్ డైరెక్టరేట్ ఆరోపించింది.
కాగా, కేజ్రీవాల్(Kejriwal) తరఫున న్యాయస్థానంలో వాదిస్తున్న సీనియర్ న్యాయవాది అభిషేక్ మను సింఘ్వీ మాట్లాడుతూ.. సిట్టింగ్ ముఖ్యమంత్రిని అరెస్టు చేయడం భారతదేశ చరిత్రలో ఇదే తొలిసారి. “అరెస్టు చేసే అధికారం, అరెస్టు అవసరంతో సమానం కాదు, ఈ వ్యక్తిని అరెస్టు చేయాల్సిన అవసరం లేదు” అని సింఘ్వీ కోర్టుకు తెలిపారు.
గ్యాంగ్స్ జైలు నుండి నడుస్తాయి, ప్రభుత్వం కాదు -బీజేపీ
లిక్కర్ పాలసీ కేసులో ఢిల్లీ ముఖ్యమంత్రి అరవింద్ కేజ్రీవాల్(Kejriwal) అరెస్టయిన ఒక రోజు తర్వాత, బీజేపీ ఎంపీ మనోజ్ తివారీ(Manoj Tiwari) ఆప్పై ఎదురుదాడికి దిగారు మరియు “గ్యాంగ్స్ జైలు నుండి నడుస్తున్నాయి.. ప్రభుత్వాలు కాదు” అని అన్నారు.
బిజెపి ఎంపి మనోజ్ తివారీ శుక్రవారం ఆప్పై విరుచుకుపడ్డారు. లిక్కర్ పాలసీ కేసులో(Delhi liquor policy case) అరెస్ట్ అయిన తర్వాత అవసరమైతే అరవింద్ కేజ్రీవాల్ ఢిల్లీ ముఖ్యమంత్రిగా కొనసాగుతారని, ప్రభుత్వాన్ని జైలు నుంచి నడిపిస్తారని పార్టీ చెప్పడంతో ఆయన ఈ వ్యాఖ్యలు చేశారు. ప్రభుత్వాన్ని కొనసాగించడానికి AAP తన నైతికత కోల్పోయిందని నొక్కి చెప్పాడు.
కేజ్రీవాల్కు మద్దతిచ్చేందుకు ఎవరూ ముందుకు రావడం లేదని, రెండు, మూడు రోజుల తర్వాత ఆప్కి, కేజ్రీవాల్కు ఎవరూ మద్దతివ్వరని తివారీ అన్నారు. ఆప్ నేతలు గోపాల్ రాయ్, అతిషీలకు వేరే ఉద్దేశ్యాలు ఉన్నాయని ఆరోపించిన తివారీ, “గోపాల్ రాయ్ మరియు అతిషి ముఖ్యమంత్రి కావాలని ఆకాంక్షిస్తున్నందున కేవలం రెండు రోజులు మాత్రమే ప్రకటనలు ఇస్తారని” ఆరోపించారు. కేజ్రీవాల్ అరెస్టుపై ఇండియా కూటమి నేతలు ఎన్నికల కమిషన్ను సందర్శించడాన్ని ప్రశ్నించిన తివారీ, వారందరూ “అవినీతిపరులు” మరియు వారి “స్వప్రయోజనాల” కారణంగా కేజ్రీవాల్కు మద్దతు ఇస్తున్నారని అన్నారు.
తన భర్త అరెస్టుపై కేజ్రీవాల్ భార్య సునీత ఇటీవల చేసిన ట్వీట్ గురించి అడిగిన ప్రశ్నకు తివారీ, “”నేను ఆమె బాధను అర్థం చేసుకోగలను. తన భర్త కటకటాల వెనక్కి వస్తాడని ఆమె ఎప్పుడూ ఊహించలేదు. కేజ్రీవాల్ను అరెస్టు చేయడంలో తమ పార్టీ ప్రమేయం ఉందన్న ఆరోపణలను బిజెపి ఎంపి తోసిపుచ్చారు మరియు “కోర్టు చర్య” కారణంగా ఇది జరిగిందని అన్నారు. ఆప్ ప్రభుత్వంపై ప్రజలకు నమ్మకం పోయిందని ఆరోపించారు.