TSPSC Group2 Exam Postponed: అనుకున్నట్లే మరలా వాయిదా పడ్డ టీఎస్పీఎస్సీ ‘గ్రూప్-2’ పరీక్ష. ప్రకటించిన షెడ్యూలు ప్రకారం జనవరి 6, 7 తేదీల్లో జరగాల్సిన గ్రూప్-2 పరీక్షను వాయిదా వేస్తున్నట్లు TSPSC బుధవారం (డిసెంబరు 27) రాత్రి ప్రకటించింది. కొత్త తేదీలను తర్వాత వెల్లడిస్తామని కమిషన్ స్పష్టం చేసింది.
TSPSC Group2 Exam పోస్టుల మరియు Postponement వివరాలు
మొత్తం 783 గ్రూప్-2 పోస్టులకు రాష్ట్రవ్యాప్తంగా 5.51లక్షల మంది అభ్యర్థులు దరఖాస్తు చేసుకున్న విషయం తెలిసిందే. తొలుత విడుదల చేసిన షెడ్యూల్ ప్రకారం.. ఆగస్టు 29, 30 తేదీల్లో గ్రూప్-2 పరీక్ష జరగాల్సి ఉండగా.. అప్పుడు వరుసగా ఇతర పోటీ పరీక్షలు ఉండటంతో గ్రూప్-2 పరీక్ష వాయిదా వేయాలంటూ అభ్యర్థులు, రాజకీయ పార్టీల నేతలు ఆందోళనలతో వాయిదా పడ్డాయి. ఆ తర్వాత నవంబర్ 2, 3 తేదీల్లో ఈ పరీక్ష నిర్వహించేందుకు ఏర్పాట్లు చేస్తున్న వేళ తెలంగాణ(Telangana) అసెంబ్లీ ఎన్నికలు రావడంతో మరోసారి ఈ పరీక్ష వాయిదా పడింది. తాజాగా మరోసారి వాయిదా వేస్తున్నట్టు టీఎస్పీఎస్సీ అధికారులు ప్రకటించారు.
Also Read: TSPSC Group 2 పరీక్ష మళ్లీ వాయిదా పడనుందా? ప్రభుత్వ నిర్ణయంపై సర్వత్రా ఉత్కంఠ!
గ్రూప్-2 నోటిఫికేషన్ ద్వారా మున్సిపల్ కమిషనర్, ఏసీటీవో, తహసిల్దార్, సబ్-రిజిస్ట్రార్, అసిస్టెంట్ రిజిస్ట్రార్, అసిస్టెంట్ లేబర్ ఆఫీసర్, మండల పంచాయతీ అధికారి, ప్రొహిబిషన్ & ఎక్సైజ్ సబ్ ఇన్స్పెక్టర్, అసిస్టెంట్ డెవలప్మెంట్ ఆఫీసర్, అసిస్టెంట్ సెక్షన్ ఆఫీసర్, డిస్ట్రిక్ట్ ప్రొబేషన్ ఆఫీసర్, అసిస్టెంట్ బీసీ డెవలప్మెంట్ ఆఫీసర్, అసిస్టెంట్ ట్రైబల్ వెల్ఫేర్ ఆఫీసర్, అసిస్టెంట్ సోషల్ వెల్ఫేర్ ఆఫీసర్ పోస్టులను భర్తీ చేయనున్నారు.
TSPSC Group 2 exam అభ్యర్థులకు సూచన
ఈ వాయిదా అనుకున్నదే కాబట్టి ఎవరూ నిరుత్సాహ పడనవసరం లేదు. రెండు మూడు రోజులు రిలాక్స్ అయి మరలా ప్రేపరేషన్స్ మొదలుపెట్టాలి. ఈసారి వాయిదాలు వుండవు కాబట్టి బాగా ప్రిపేర్ అయితే ఉద్యోగం కొట్టేయవచ్చు